Dagana 20 ágúst til 1. September gefst óhræddum einstakt tækifæri til að sjá kvikmyndina „Ég man þig“ á sjálfum tökustaðnum, Hesteyri í Jökulfjörðum. Myndin er eins og flestir vita byggð á samnefndri metsölubók Yrsu Sigurðardóttur. Bræðurnir Haukur og Hrólfur Vagnssynir í samstarfi við framleiðendur myndarinnar, Ég man þig, standa fyrir sýningu myndarinnar á Hesteyri á breiðtjaldi með viðeigandi hljóðkerfi og bassabotnum. Hrólfur Vagnsson, vert í Læknishúsinu segir mikla eftirvæntingu ríkja varðandi sýningarnar, myndin var sýnd í fyrra á sama stað og vakti mikla lukku.
Upplýsingar og miðapantanir hér á vefnum, í Læknishúsinu Hesteyri síma 899-7661 eða hjá
Hornstrandaferðum Hauks Vagnssonar í síma 862-2221
Myndin er sýnd daglega frá 20. ágúst til 31. ágúst n.k.
Siglt er með Hesteyri ÍS 95 frá Bolungarvík alla daga kl 18:00
Bíómyndin er með Íslensku tali og textuð á ensku
Hérna getur þú bókað í Bíóferðina – Ég Man Þig
Smelltu á daginn sem þú vilt fara, veldu fjölda gesta og smelltu svo á hnappinn
“Bóka”
Vinsamlegast mætið á Lækjarbryggju neðan við Olís lágmark 15 mínútum fyrir brottför